Шавкат Мирзиёев 19 июль куни Жаҳон банкининг Европа ва Марказий Осиё минтақаси бўйича вице-президенти Сирил Мюллер бошчилигидаги делегацияни қабул қилди. Бу ҳақда Президент матбуот хизмати маълум қилди.
Давлат раҳбари меҳмонларни самимий қутлар экан, Ўзбекистон ва Жаҳон банки ўртасидаги узоқ муддатли, ўзаро манфаатли ҳамкорлик муносабатларида юксак даражага эришилганини катта мамнуният билан қайд этди.
Учрашувда Ўзбекистон ва Жаҳон банки ўртасидаги ҳамкорликни кенгайтиришнинг долзарб масалалари муҳокама қилинди.
Банк-молия сектори ва давлат корхоналарини ислоҳ қилиш, таълим, тадбиркорлик ва қишлоқ хўжалигини ривожлантириш, шунингдек, давлат-хусусий шериклик шартларида инфратузилмавий лойиҳаларни амалга ошириш масалаларига алоҳида эътибор қаратилди.
Сирил Мюллер давлат раҳбарига самимий қабул учун миннатдорлик билдириб, Жаҳон банки президенти Дэвид Мелпасснинг саломи ва эзгу тилакларини етказди.
Изоҳ (0)