16 июль куни соат 20:20 атрофида Наманган вилоятининг Тўрақўрғон туманида яшовчи 28 ёшли I.П. «М-412» русумли автомашинасини Қодиробод маҳалласидан ўтувчи Фарғона ҳалқа йўлида ҳайдаб кетаётиб, қарама-қарши томондан ҳаракатланиб келаётган Андижон вилояти, Балиқчи туманида яшаган 68 ёшли Н.А. бошқарувидаги Tico билан тўқнашув содир этган. Бу ҳақда ИИВ матбуот хизмати маълум қилди.
ЙТҲ оқибатида Tico ҳайдовчиси жароҳат олиб воқеа жойида, унинг йўловчиси, Марҳамат туманида яшаган 67 ёшли М.М. касалхонада вафот этган.
Шунингдек, ушбу машинанинг яна 2 нафар йўловчиси жароҳат олиб, касалхонага ётқизилган.
Ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)