2019 йил 9 июль куни соат 16:00 да «Қамчиқ» довонида кузатилган кучли ёмғир ёғиши ва Эртошсойга қуйиладиган Сапрамат сойида сув сатҳининг кўтарилиши натижасида довонда жойлашган Эртош аҳоли яшаш пункти ҳудудида сел-тошқин ҳолати кузатилди, бу ҳақда Ўзбекистон Республикаси Фавқулодда вазиятлар вазирлиги хабар қилади.
Ушбу сел-тошқин 27 та хўжалик қатновини амалга оширадиган ички йўлнинг 200 метр қисмига тош-лойқа массасини келиб тушиши ва қатнов учун йўлни яроқсиз ҳолга келишига сабаб бўлди.
Юқорида кузатилган мазкур ҳолат юзасидан «Қамчиқ» Maxсус қидирув-қутқарув бошқармаси томонидан жорий йилнинг 10 июль куни сел-тошқин оқибатларини бартараф этиш учун «Қамчиқ» довонида фаолият кўрсатувчи ФВДT хизматларидан иборат штаб ташкил этилиб шу куннинг ўзида махсус техникалар ёрдамида сел-тошқин оқибатида йўлга келиб тушган тош-лойқа массасини олиб ташлаш ишлари амалга оширилиб йўлда қатнов тикланди.
Изоҳ (0)