Фарғона вилоятида 2019 йилнинг март июль ойларида Президент Администрацияси масъул ходимлари, Бош прокуратура, Олий суд, Бандлик ва меҳнат муносабатлари, ИИВ раҳбар ва ўринбосарлари, Бош прокуратураси ҳузуридаги МИБ директори ўринбосари, шунингдек, ҳудудий сектор раҳбарлари, вилоят, шаҳар ва туман давлат идоралари раҳбар ходимлари иштирокида оммавий сайёр қабуллар ташкил этилди.
Фарғона вилояти Президент халқ қабулхонасининг «Дарё»га маълум қилишича, сайёр қабулларда жами 15021 нафар фуқаро қабул қилинди, улардан 15951 та масала бўйича мурожаат келиб тушди.
Ушбу қабуллар натижаларини соҳалар кесимида қаралганда, энг кўп мурожаатлар меҳнат ва аҳоли бандлиги масалаларига оид 1034 та, уй-жой ва ер ажратиш масалалари бўйича 1089 та, газ, электр ва сув таъминотини яхшилаш бўйича 1163 та, моддий ёрдам ажратиш масалалари бўйича 1034 та, коммунал тўловлар бўйича 904 та, соғлиқни сақлаш бўйича 755 та, суд-ҳуқуқ масалаларига оид 684 та, кредит ажратиш масалалари 694 та келиб тушган.
Ушбу қабуллар жараёнида муаммоларнинг 8486 таси (58,1 фоизи) ижобий ҳал этилган. Қўшимча ўрганиш талаб этиладиган 1459 та (8,3%) мурожаатнинг кўриб чиқилиши назоратга олинган. 6006 таси (33,6 фоиз) бўйича асослантирилган ҳуқуқий тушунтириш берилган.
Сайёр қабуллар сабаб 75 нафарга яқин маҳкум шартли равишда бўлса-да, озод этилган, уй-жойи бузилган фуқароларга конпенсация тўлаб берилган, юзлаб одамлар ишга жойлаштирилган, соғлиғини тиклашга қийналаётганларга даволаниши учун ордер ва йўлланмалар ажратилган, ногиронларга аравачалар совға қилинган,
Фарғона вилоятининг Қўқон ва Марғилон шаҳарларида ногиронлиги бор, кам таъминланган, ижтимоий ҳимоя ва уй-жойга ўта муҳтож фуқароларга 123 хонадон калитлари топширилган.
Изоҳ (0)