Тошкентдаги Салом кўчасида жойлашган «Олтинтепа» ва «Подшоҳбоғ» маҳаллаларида пиёдалар йўлаклари қайта очилмоқда, деб хабар қилмоқда Тошкент шаҳар ҳокимияти матбуот хизмати.
Хабарда айтилишига кўра, бу маҳаллалар орқали ўтган Салом кўчасида, пиёдалар йўлаги йўқ бўлиб кетган. Уларни уй эгалари ноқонуний равишда эгаллаб олиб, бинолар, парковкалар, темир панжара ва боғлар қуриб эгаллаб олган. Оқибатда пиёдалар ҳаётларини хавф остига қўйиб, автомобиль йўлларидан ҳаракатланишга мажбур бўлмоқда.
Шу билан бирга, кўмиб ташланган ариқлар, дренаж канализациялар қайта очилиб, коммуникациялар янгиланмоқда. Шунингдек электр симёғочлар ўрнига симларни ер остидан ўтказиш режалаштирилмоқда.
Тадбир давомида Олтинтепа ва Буюк Ипак Йўли кўчаларини туташтирувчи Салом кўчаси бир неча ҳафтага давомида ёпиқ бўлиши ҳам айтиб ўтилган.
Изоҳ (0)