МИБ матбуот хизмати Сурхондарёда бюро ходимлари дўппослангани ҳолати юзасидан «Дарё»га изоҳ берди.
Жорий йил 29 июнь куни соат 11.00 ларда МИБ Шеробод туман бўлими давлат инспекторлари А.Эшонқулов, С.Фозилов ва П.Тайланов тумандаги «Ғўрин гиламбоб» маҳалласи, «Дўстлик» кўчаси, 112-уйда яшовчи Бердимурод Нормуродовнинг яшаш хонадонида фойдаланилган электр энергияси бўйича қарздорликни аниқлаш ва ундириш борасида кўрик ўтказган вақтида электр энергиясидан 1 миллион 94 минг сўм қарздорлик мавжудлиги аниқланган.
Мазкур қарздорликни тўлаб бериш тўғрисида хонадон эгаларига тушунтириш беришаётганда Б.Нормуродовнинг 3 нафар ўғли — 1978 йилда туғилган У.Нормуродов, 1985 йилда туғилган Л.Нормуродов ва 1990 йилда туғилган Э.Бердимуродов хизмат вазифасини бажараётган инспекторларга қаршилик кўрсатишиб, уларни ҳақорат қилган. Инспектор П.Тайлановни бош қисмига қўллари билан бир неча маротаба уриб, А.Эшонқуловни ерга йиқитиб, қўл ва оёқлари билан унинг дуч келган жойларига бир неча маротаба уриб, тепиб, тан жароҳати етказган.
Мазкур ҳолат юзасидан туман прокуратураси томонидан 3 июль куни Э.Бердимуродов ва Л.Нормуродовга нисбатан ЖКнинг 219-моддаси 2-қисми билан жиноят иши қўзғатилиб, ЖПКнинг 221-моддаси тартибида ушланиб, тергов ҳаракатлари олиб борилмоқда.
Изоҳ (0)