Ислом Каримов номидаги Тошкент халқаро аэропортига янги Boeing 787-8 Dreamliner’и келиб қўнди. Бу ҳақда Telegram’даги «Новости Ташкенцкого неба» каналида маълум қилинди.

Фото: Telegram / «Новости Ташкенцкого неба»

Мунтазам тижорий рейсларни амалга оширишга мўлжалланган ҳисоб бўйича бешинчи дримлайнер Everett (Вашингтон) шаҳридан ўзбек экипажи бошқарувида Тошкент халқаро аэропортига учиб келди. Генерал Electric GEnx-1B двигателлари билан жиҳозланган мазкур самолёт «бизнес» ва «эконом» классларга эга.

Эслатиб ўтамиз, июнь ойида Uzbekistan Airways миллий авиакомпаниясига мўлжалланган, борт рақами UK-78705 бўлган янги Boeing 787-8 Dreamliner самолёти Everett аэропортидан Grant-Kaunti Mozes Leyk халқаро аэропортига синов парвозни амалга ошириб, қайтган эди.