Фарғона давлат университетига олий маълумотга эга бўлиш истагидаги 72 ёшли эркак ҳужжат топширди. Бу ҳақда миллий матбуот марказида ўтказилган матбуот анжуманида Давлат тест маркази Бош бошқарма бошлиғи Барно Ражабов маълум қилди, деб хабар берди «Дарё» мухбири Севара Нишонова.
Қайд этилишича, 72 ёшли отахон тил ва адабиёт йўналишида, кундузги бўлимда ўқиш истагини билдирган.
«Фарғонага ўзим бориб, қабул комиссияси аъзолари билан суҳбатда бўлдим. 72 ёшли фуқаро олий маълумот олиш истагини билдирган.
Ҳозирги қонунчилик ҳужжатларимизда ОТМда ўқиш учун ёш чегараси кўрсатилмаган. Исталган ёшдаги фуқаро олий таълим олиш истагида бирон олийгоҳга ҳужжат топшириши ва ҳамма қатори тест синовларини топшириб талаба бўлиши мумкин», — дейди Барно Ражабов.
Изоҳ (0)