Сурхондарё вилоятининг Термиз туманида 29 июнь куни Наврўз маҳалласида яшовчи, 36 ёшли К.Ҳ. бошқарувидаги Cobalt русумли автомашинасини Қаҳрамон маҳалласи ҳудудидан ўтувчи «Термиз-Ангор» M-39 йўлининг 1448-километрида ҳайдаб кетаётиб йўлнинг қарама-қарши йўналишига чиқиб кетди. Бу ҳақда ИИВ Жамоатчилик ва ОАВ билан алоқалар бошқармаси хабар берди.
Cobalt Термиз шаҳрида яшаган, 58 ёшли А.А. бошқарувидаги Nexia русумли автомашинаси билан тўқнашув содир этган. Натижада Nexia автомашинаси ҳайдовчиси, А.А ва автомашинада йўловчи сифатида кетаётган укаси, 50 ёшли Б.А.лар жароҳат олиб воқеа жойида вафот этган.
Шунингдек, Cobalt автомашинаси ҳайдовчиси К.Ҳ жароҳат олиб касалхонага ётқизилган. Ҳолат юзасидан дастлабки тергов олди ҳаракатлари олиб борилмоқда.
Изоҳ (0)