«Аякс» ярим ҳимоячиси Донни ван де Бек фаолиятини «Реал»да давом эттириши мумкин. Бу ҳақда Marca хабар берди.
Мадрид клуби нидерландияликлар билан футболчи трансфери борасида музокаралар олиб бормоқда. Аммо томонлар ҳозирча келишувга эриша олганича йўқ. «Аякс» ван де Бек учун 65 миллион евро талаб қилмоқда, бироқ «Реал» 50 миллиондан ортиқ маблағ тўламоқчи эмас.
Аввалроқ «Қироллик клуби» «Манчестер Юнайтед»дан Поль Погбани сотиб олишга уринганди.
Шундан сўнг Мадрид клуби бор эътиборини нидерландиялик ярим ҳимоайчи Донни ван де Бек трансферига қаратмоқда.
Маълумот учун, ван де Бек 2018/19 йилги мавсум Нидерландия чемпионатида 34 та ўйин ўтказиб, 9 та гол урди ҳамда 12 та голли пас берди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)