Самарқанд шаҳридаги Амир Темур ва Туркистон кўчалари кесишмасида Дамас машинасининг ғилдираги қудуққа кириб кетиб ағдарилди. Zarnews’нинг хабар беришича, «Сувоқова» ДУК Самарқанд шаҳар филиали бу воқеага изоҳ берди.
Аниқланишича, мазкур ҳудуддан 400 миллиметрлик қувурдан тоза ичимлик суви ўтган. 2016 йилда мазкур сув қувурига шу ерда қурилган янги кўпқаватли уйлар уланган. Уланиш жараёнларига «Сувоқова» корхонаси томонидан техник шартлар белгиланган ва қурувчига сув тизимига уланиш борасида тушунчалар берилиб, жараёнга корхонамиз мутахассисларининг жалб этилиши лозимлиги уқтирилган.
Шунга қарамасдан, тадбиркорлар уйни тез муддатда қуриш ва топшириш мақсадида бу техник шартларга риоя қилмаган.Бундан ташқари, йўлдаги қудуқларга қўйилган қопқоқлар ҳам давлат стандартларига мос келмаслиги оқибатида юқоридаги бахтсиз ҳодиса юз берган.
Изоҳ (0)