Тошкент ҳокимлиги ва Москва мерияси Ўзбекистон кўргазма-маданий марказини ташкил этиш учун Россия пойтахтидаги «Халқ хўжалиги ютуқлари кўргазмаси» мажмуаси ҳудудидаги павильонни ижарага олиш тўғрисидаги шартномани имзолади, деб хабар беради «Газета.uz».
Мамлакатнинг Россиядаги элчихонаси матбуот хизмати хабарига кўра, ҳозирда павильонда ташқи ва ички қисмларни таъмирлаш-реставрация қилиш ишлари олиб борилмоқда, улар якунлари бўйича у Ўзбекистонга тантанали равишда топширилади.
Май ойи охирида Урганчда Ўзбекистон ва Россия ҳукуматлари раҳбарлари даражасидаги қўшма комиссия йиғилишида «Халқ хўжалиги ютуқлари кўргазмаси» ҳудудида республика маданий-кўргазма марказини ташкил этиш тўғрисидаги икки томонлама музокаралар учун ҳуқуқий асос бўлиб хизмат қилувчи ҳукуматлараро битим имзоланган эди.
Изоҳ (0)