25 июннинг эътиборга молик янгиликлари — «Дарё» дайжестида.
Telegram’даги «Эхо Узбекистана» каналида «Бочка»даги оммавий муштлашув видеоси эълон қилинди.
Ушбу видеода бир гуруҳ йигитларнинг бир-бирини уриб-тепаётганини кўриш мумкин.
***
Ўзбекистон Президенти Шавкат Мирзиёев 25 июнь куни Tashkent City қурилиш майдонига ташриф буюрди.
Президент шу куни Тошкентдаги Ислом цивилизацияси маркази қурилиш майдонида ҳам бўлди.
Шундан кейин давлат раҳбари Олмазор туманидаги Ватанпарварлик боғи қуриладиган ва Матонат ҳайкали ўрнатиладиган жойда бўлди.
Бундан ташқари, Президент Олмазор туманида бўлиб, бу ерда барпо этиладиган Ғалаба боғи юзасидан кўрсатмалар берди.
***
Қозоғистоннинг Арис шаҳрида жойлашган ҳарбий қисмда юзага келган портлаш оқибатида ҳалок бўлганлар сони икки кишига етди.
Ўзбекистоннинг Олмаота шаҳридаги Бош консулхонаси маълумотига кўра, Арис шаҳри ҳарбий қисми ҳудудидаги портлашлар натижасида жабрланганлар орасида Ўзбекистон фуқаролари мавжуд эмас.
Ижтимоий тармоқларда Қозоғистоннинг Арис шаҳрида юз берган портлашлардан бир кун ўтиб олинган видеолар пайдо бўлди. Уларда ёниб вайрон бўлган уйлар, автомобиллар ва харобага айланган бошқа биноларни кўриш мумкин.
Айни пайтда Қозоғистоннинг Арис шаҳрида тўққизта минасизлантириш гуруҳи ишламоқда.
Арис шаҳридан эвакуация қилинган қозоқлар эса ўзбекларнинг ёрдамсеварлигидан ҳайратга тушмоқда.
***
Тошкентда таниқли заргар Аҳмед Алиевнинг иши бўйича апелляция эшитуви бошланди.
«Алиев Заргари» компаниясининг раҳбари, таниқли заргар Аҳмед Алиев озодликдан маҳрум этилганига 7 йилдан ошди. Ҳимоя томони заргарнинг иши ёлғондан тўқиб чиқарилгани ва суд эшитуви давомида бунга етарлича далиллар келтирилишини билдирган.
***
GM Uzbekistan дилери Чирчиқда ёниб кетган янги Cobalt учун компенсация тўлади.
2018 йил 22 сентябрь куни автомашина турган жойида ёниб кетган. Воқеа жойига етиб келган ёнғин хавфсизлик хизматининг хулосалари ва экспертиза хулосасининг натижаларига кўра, автомобилдаги мавжуд электр симларидаги носозлик туфайли ёнғин келиб чиққан.
Изоҳ (0)