Таҳририятга Андижон вилояти Марҳамат туманида яшовчи Маҳфуза Ҳожиматова мурожаат қилиб, туғма юрак нуқсони билан туғилган фарзанди Амиршоҳнинг операцияси учун зарур маблағ тўплай олмаётганлигини маълум қилди.
«Ўғлим Амиршоҳ 2019 йил 15 февралда туғма юрак нуқсони билан дунёга келган. Бир неча ойдан бери Тошкент педиатрия шифохонасида даволаняпти. Ёлғиз онаман. Ишламайман. Ёрдам берадиган ҳеч бир яқиним йўқ. Болам касал бўлгандан бери унинг ёнидан кетолмадим. Анчадан бери яхшиларнинг кўмаги билан боламнинг дори-дармони ва пойтахтда яшаш харажатларимни амаллаб келаётган эдим. Лекин энди унга ҳеч бир дори таъсир қилмай қўйди. Боламни юраги тобора шишиб боряпти. Ҳар бир сония унинг ҳаётига нуқта қўйиши мумкин. Энди фарзандимни фақат операция орқали сақлаб қолишим мумкин экан. Шифокорларнинг айтишича, бу операция Ҳиндистонда қилинади ва унга 8000 доллар керак экан. Бироқ менда бунча маблағ йўқ. Саховатпеша инсонлар ёрдамига жуда муҳтожман. Бугун пул йиғилса, ҳозироқ операция учун Ҳиндистонга жўнаб кетамиз. Ҳар бир ўтаётган дақиқа болам учун аҳамиятли. Фарзандимнинг тезроқ соғайиб кетишини, узоқ яшашини хоҳлайман. Ахир у ҳали бир ёшга ҳам киргани йўқ. Амиршоҳим тузалиши учун яхшиларнинг ёрдамига жуда жуда муҳтожман», дейди биз билан суҳбатда Маҳфуза Ҳожиматова.
Барча саховатпеша инсонлардан Амиршоҳнинг соғайиб кетишида имкон қадар холис моддий ёрдам беришларини сўраб қоламиз!
Хайрия қилмоқчи бўлганлар учун маълумотлар:
Пластик карта орқали (Click, Payme)
Онаси Маҳфуза Ҳожиматова номига очилган
Саноат қурилиш банк: 8600 030407964760
Хориждан банкдан маблағ юбормоқчи бўлганлар учун онасининг паспорт маълумотлари:
Маҳфуза Ҳожиматова Расулжоновна
Паспорт рақами: АБ 3175985
Бемор Амиршоҳнинг онаси Маҳфуза Ҳожиматованинг телефон рақами: +99894 404 66 62
Изоҳ (0)