Самарқанд вилояти ҳокими Эркинжон Турдимов раҳбарлигида бугун ўтказилган йиғилишда вилоятдаги босма оммавий ахборот воситаларининг моддий-техника базаси, мазмун-моҳияти ҳақида сўз юритилди, деб хабар берди ЎзА.
«Туман ва шаҳар газетаси ўша ҳудуд ҳокимининг, муассисининг юзи. Ҳокимлар ўз газетасига ана шу нуқтаи назардан қараши керак. Ўз сиёсатини газетаси орқали тарғиб этиши зарур», – деди Эркинжон Турдимов.
Вилоят ҳокими газеталарда баландпарвоз гаплардан қочиб, ҳудуддаги реал ҳаётни кўрсатиш, танқидий-таҳлилий материаллар бериш кераклигига эътибор қаратди.
Шунингдек, йиғилишда газеталарнинг ижтимоий тармоқларда фаолигини кучайтириш лозимлиги таъкидланди.
Изоҳ (0)