Ўзбекистон Президенти Шавкат Мирзиёев 25 июнь куни Тошкентдаги Ислом цивилизацияси маркази қурилиш майдонида бўлди. Бу ҳақда «Ўзбекистон 24» телеканали хабар берди.
Марказ миллий анъанавий усулда қурилмоқда. Қайд этишларича, бу ерда Ўзбекистон ҳудудидан етишиб чиққан ислом уламолари, жаҳон маданиятига ҳисса қўшган мутафаккирлар, рассом ва хаттотларга оид маълумотлар мужассам бўлади. Мажмуада нодир экспонатларга бой Ислом санъати музейи, кутубхона ва қўлёзмалар фонди бўлади.
«Буюк аждодларимиз томонидан асос солинган илмий, диний мактабларга доир юртимизда ва чет элларда сақланаётган қадимий қўлёзма, тошбосма китоблар тарихий далил ва ҳужжатлар, археологик топилмалар, осори-атиқалар, шу йўналишдаги илмий ишлар, видео-фото ҳужжатлар билан бойитилади», — дейилади телеканал лавҳасида.
Изоҳ (0)