Uzbekistan airways ўқув-тайёргарлик маркази директори Станислав Гурфинкел миллий авиакомпаниянинг кадрлар сиёсати ва нима учун хориж учувчиларни жалб этиш масаласи кўриб чиқилмаётганига изоҳ берди.
Ўқув маркази директорига кўра, учувчиларни тайёрлаш курсларининг дастлабки босқичига 200 нафар номзоддан 5 нафаригина ўтган. Шундай бўлсада талаблар ўзгармайди.
«Танлов биринчи бор ўтказилди ва фақат 5 киши танлаб олинди. Бу ерда гап фақат билимда эмас, тиббий ва психологик кўрсаткичлар ҳам мавжуд. Бироқ бизнинг позициямиз бор, ушбу соҳада ҳеч кимга ён босмаймиз. Ўзбекистон фуқаролари ичидан номзодларни қидириш биз учун принципиал масала. Ишончим комилки, бизда авиация соҳасида ишлашга қодир профессионал кадрлар етарли», — дейди Гурфинкел.
Учувчиларни тайёрлаш даражаси назорати ва баҳоланиши билан мустақил консультант сифатида иштирок этаётган тажрибали хорижлик учувчи шуғулланмоқда.
«У орқали тренажёрлардаги барча текширувларнинг 50—60 фоизи ўтади. Агарда кимнидир тайёр эмас деб топса, биз муаммо бартараф этилмагунига қадар бу учувчини парвозларга қўймаймиз», — дейди ўқув маркази раҳбари.
Изоҳ (0)