«Дунё гўзали» танловининг собиқ иштирокчиси бўлган австралиялик қизга чегарачилар Бали оролидан учиб кетишга йўл қўймади.
«РИА Новости»нинг ёзишича, 26 ёшли Теган Мартин паспортига зарар етгани учун Денпасарадан учиб кета олмаган. Паспортнинг бир бурчагида сув тўкилганидан қолган кичик доғ борлиги аниқланган.
Теган ўзининг ижтимоий тармоқлардаги саҳифасида паспортининг шу қисми суратини жойлаб, ҳужжат озгина шикастланганини кўрсатган. У мамлакатдан қачон чиқиб кета олиши ҳозирча номаълум. Чунки энди ҳужжатини янгилаши керак.
Денпасара аэропортида яқин вақтдан буён қатъий қоида амал қилмоқда. Агар чегара текширувида йўловчи паспортига озгина бўлсада шикаст етгани аниқланса, уни самолётга қўйган ва оролга олиб келган авиакомпания 5 000 доллар жаримага тортилади.
Бу паспорти шикастланган йўловчининг Бали аэропортидан учиб кетишига биринчи марта рад этилиши эмас. Аввалроқ 9 ёшли қизининг паспорти шикастлангани учун сайёҳ ўз уйига қайта олмаган.
Изоҳ (0)