Теннесида 33 ёшли эркак Уильям Дэвид Филлипс сирли ички овоз таъсирида тасодифий йўловчиларини босиб кетди. Forum Daily’нинг ёзишича, овоз «наркоманларни ўлдириш»га ундаган.
Жефферсон шаҳри полиция бошқармаси хабарига кўра, ҳайдовчи ҳибсга олинган бўлиб, у тасодифий йўловчиларни онгли равишда уриб кетган. Тегровчилар Филлипс қурбонларни танимаслигини аниқлаган. Аввалига терговчилар жиноят сабабини тушуна олмаган. Кейинроқ Филлипс ички овоз буйруғига кўра иш тутганини тан олган.
Биринчи қурбон 61 ёшли эркак бўлган. Ички овоз у наркоманлигини, уни ўлдириш кераклигини айтганидан кейин тезликни ошириб, эркакни уриб кетган. Кейинроқ яна икки йўловчи: 30 ёшли ҳомиладор Серра Кахун ва унинг 2 ёшли ўғли Нолан Кахунни кўрган.
Овоз унга бола аравачасида метамфетамин борлигини айтган, шу сабабли у атайин она-болани босиб кетган. Шундан сўнг декоратив балиқлар дўконига бориб урилган. Оқибатда дўкондаги бир киши жароҳатланган, бир неча аквариумлар синган ва минглаб балиқлар нобуд бўлган.
Жабрланганларнинг икки нафари касалхонага ётқизилган. Ҳомиладор аёл ва унинг 2 ёшли ўғли эса воқеа жойида вафот этган. Воқеа юзасидан жиноий иш қўзғатилган.
Изоҳ (0)