«Дарё» ўтиб бораётган ҳафтанинг қизғин баҳсларга сабаб бўлган твитларни диққатингизга ҳавола этади.
«Борис Жонсон ҳокимият учун пойгада иштирок этиши кафолатланган ва у навбатдаги бош вазир бўлади», — Тим Шипман, журналист.
«Хорватия касаба уюшмалари референдум ўтказиш мақсадида 748 минг шахс имзоси қўйилган мурожаатномани парламентга тақдим қилди. Мақсад пенсия ёшини 67 ёшга кўтариш масаласига қарши чиқиш», — Balkan Insight нашри.
«Нидерландия ташқи ишлар вазири Стеф Блок Нидерландия ижтимоий тармоқларининг BREXITBEEST мавзусига бағишланган ‘энг чиройли сурати’ муаллифига айланди», — Дэнни Кемп, мухбир.
«Анна Франк бизларни янада довюракроқ қилади, гарч биз унга нисбатан анча оддийроқ замонда яшаётган бўлсак-да. Унинг тақдири фашизм қай даражада жирканч эканлигини кўрсатади ва бу бизни азоблайди. Унинг маслаҳатига қулоқ тутамиз: дунёни яхшироқ қиламиз токи унда фашизмга ҳеч қандай имкон қолмасин», — Хайко Маас, Германия ташқи ишлар вазири.
«Италияда тиббиёт ходимларининг 70 фоизи абортлар ҳақида гап кетганда тиббий хизмат кўрсатишдан бош тортади. Виждон эркинлиги деб аталувчи тушунча аслида аборт ҳуқуқини чеклашдир», — Карл Мелин, сиёсатшунос.
«Россия ижтимоий сўров маркази ўтказган сўровлар натижасига кўра, 2016 йилдаги 56 фоизлик натижага таққосланганда русларнинг 65 фоизи ‘Сеними, шошмай тур!’ (‘Ну погоди!’) мультфильмини ўзларининг энг севимли мультфильми сифатида кўрсатган», — Скот Роуз.
«Трамп инсонларни қашшоқлиги учун жазоламоқчи», — Камала Харрис, америкалик юрист ва сиёсатчи.
«Афлотун дунё харитасининг Византия нусхаси. Сиз мазкур харита билан Европа ва Осиё бўйлаб ҳаракатлана олган бўлармидингиз?» — Симон Кюстенмахер, немис географи.
«Доллар тарихга айланадими? Россия молия вазирлиги ва Европа Кенгашининг энергетика иттифоқи ўзаро савдо муносабатларида ҳисоб-китоблар учун евро ва рублга ўтиш борасида ишчи гуруҳ шакллантиришга келишиб олди», — Дипломатик стратегиялар тадқиқот маркази.
«17 июнь Халқаро чўллашиш ва қурғоқчиликка қарши курашиш куни. Чўл ҳудудлари Ер сайёрасининг 40 фоизидан кўпроғини ташкил этади ва ундай ҳудудлар 2 миллиарддан ортиқ аҳолининг яшаш макони ҳисобланади», — БМТ.
Изоҳ (0)