Наманган шаҳридаги Ўрта Ровустон маҳалласида жойлашган автомобилларга газ қуйиш шохобчасида ВАЗ-21011 русумли машина ёниб кетди. Бу ҳақда «Дарё»га вилоят ФВВ ЁХБ тарғибот гуруҳи маълум қилди.
Ҳодиса бугун, 18 июнь куни соат 13.55 атрофида рўй берган.
Ҳайдовчи машинасини газ колонкасида қолдириб, тўлов учун кассага йўл олганида портлаш содир бўлган. Ёнғин оқибатида машина кузови ва салони зарарланган, ҳужжатлар ёниб кетган. Қурбонлар ва жароҳатланганлар бўлмаган.
Ҳозирда ёнғин сабаби ва айбдори аниқланмоқда.
Изоҳ (0)