15 июнь куни Нукус гарнизони ҳарбий хизматчилари ва уларнинг оила аъзолари «Биз соғлом турмуш тарафдоримиз» шиори остида саломатлик акциясида иштирок этди. Бу ҳақда Шимоли-ғарбий ҳарбий округ матбуот хизмати «Дарё»га хабар бермоқда.
Нукус шаҳрининг Беруний кўчаси чорраҳасидан бошланган 5 километрли юриш акцияси гарнизон Маънавият ва маърифат маркази олдида якунланди. Акцияда мингга яқин ҳарбий хизматчилар, шаҳар аҳолиси ҳамда Қуролли Кучлар фахрийлари фаол иштирок этди.
Энг фаол иштирокчи оилалар Шимоли-ғарбий ҳарбий округ қўшинлари қўмондонлиги томонидан диплом ҳамда совғалар билан тақдирланди.
Таъкидлаш жоизки, Президент ташаббуси билан мамлакат бўйлаб ўтказиб келинаётган соғломлаштириш тадбирлари орқалини аҳоли соғлом турмуш тарзини олиб боришни одат қилишига, айниқса ёшлар ва аёллар саломатлигини тиклашга, ортиқча вазндан халос бўлишга хизмат қилиб келмоқда.
Одатга кириб қолган соғломлаштириш тадбирлари ҳарбий хизматчилар оила аъзоларининг нафақат жисмоний саломатлиги, балки оилалар ўртасида жипслик, ҳамжиҳатликни ҳам таъминламоқда.
Изоҳ (0)