Крайстчерчда 51 кишини ўлдиришда айбланаётган шахс ўз айбини тан олишдан бош тортди
Янги Зеландиянинг Крайстчерч шаҳридаги икки масжидда теракт содир этганликда айбланаётган Австрия фуқароси Брентон Таррант ўз айбини тан олмади. Бу ҳақда «РБК» хабар берди.
Айбини тан олмаслик ҳақида судда унинг адвокати эълон қилган. Таррантнинг ўзи эса судда махсус режим қамоқхонасидаги бир кишилик камерадан видеоалоқа орқали чиқди. Қайд этилишича, адвокатлар баёнотни ўқиётган пайтда айбланувчи жараённи илжайиб кузатган.
Ушбу жиноят иши бўйича суд жараёни 2020 йилнинг 4 майида бошланади. Бу ҳақда судья Кэмерон Мандер маълум қилган. Адвокатларнинг фикрича, жараён уч ойгача чўзилиши мумкин.
Эслатиб ўтамиз, март ойи ўрталарида Крайстчерч шаҳридаги икки масжидда теракт содир бўлди. Оқибатда 51 киши ҳалок бўлган, яна ўнлаб одамлар яраланган. Ҳукумат жиноятда гумонланувчи уч кишини қўлга олган. Кейинчалик уларнинг икки нафарини қўйиб юборган. Фақат 28 ёшли Брентон Таррант ҳисбсга олинган. Май ойи охирларида унга террорчилик содир этиш айблови қўйилган.
