Президентимизнинг 2018 йил 23 октябрда «Электр энергетикаси тармоғини жадал ривожлантириш ва молиявий барқарорлигини таъминлаш чора-тадбирлари тўғрисида»ги қарорига асосан, ҳудудларда электр энергиясини ҳисобга олиш ва назорат қилишнинг автоматлаштирилган тизимини жорий этиш ишлари жадал давом этмоқда.
Қарорга кўра, 2021 йил якунига қадар 7 миллиондан ортиқ истеъмолчиларнинг барчаси ҳамда электр энергиясини ишлаб чиқарувчи, етказиб берувчи ва тақсимловчи корхоналар ягона электр энергиясини ҳисобга олиш ва назорат қилишнинг автоматлаштирилган тизимига тўлиқ уланиши кўзда тутилган.
Ҳозирда Андижон шаҳри электр энергияси истеъмолчиларига 20 000 дан зиёд, Наманган шаҳрида 55 000дан ортиқ ҳамда Фарғона шаҳрида 30 000 дан зиёд аҳоли хонадонларига замонавий электр ҳисоблагичлар алмаштирилди. Шунингдек, Фарғона вилоятининг Қўқон шаҳрида 51577 та ва улгуржи истеъмолчиларига 3912 та ҳисоблагичлар ўрнатилди. Ўрнатилган электр ҳисоблагичларни масофадан туриб бошқариш мақсадида 403 та концентратор қурилмалари ўрнатилди.
Аҳамиятлиси, ушбу лойиҳа доирасида ҳар уччала вилоятга ҳам маҳаллий ишлаб чиқарувчи «Электрон ҳисоблагич» МЧЖ ва «Тошэлектроаппарат» МЧЖ ХК томонидан ишлаб чиқарилган замонавий электр ҳисоблагичлар ўрнатилмоқда.
Эслатиб ўтамиз, ҳисоблагичлар истеъмолчиларга «Ҳудудий электр тармоқлари» АЖ маблағлари эвазига бепул алмаштирилиб берилмоқда.
Истеъмолчиларимиздан ушбу ишларни амалга оширишда пул талаб қилинаётган бўлса ёки манфаатларингиз камситилаётган бўлса, «Ҳудудий электр тармоқлари» АЖнинг (71-233-01-28) рақамига ҳамда Telegram’даги «Ҳудудий электр тармоқлари» АЖ билан мулоқот» канали орқали ҳам аҳоли ўз мурожаатларини «Ҳудудий электр тармоқлари» АЖга йўллашлари мумкин.
Каналга аъзо бўлиш: @hetmuloqot
«Ҳудудий электр тармоқлари» АЖ Матбуот хизмати
Реклама ҳуқуқи асосида.
Изоҳ (0)