Prezidentimizning 2018-yil 23-oktabrda “Elektr energetikasi tarmog‘ini jadal rivojlantirish va moliyaviy barqarorligini ta’minlash chora-tadbirlari to‘g‘risida”gi qaroriga asosan, hududlarda elektr energiyasini hisobga olish va nazorat qilishning avtomatlashtirilgan tizimini joriy etish ishlari jadal davom etmoqda.
Qarorga ko‘ra, 2021-yil yakuniga qadar 7 milliondan ortiq iste’molchilarning barchasi hamda elektr energiyasini ishlab chiqaruvchi, yetkazib beruvchi va taqsimlovchi korxonalar yagona elektr energiyasini hisobga olish va nazorat qilishning avtomatlashtirilgan tizimiga to‘liq ulanishi ko‘zda tutilgan.
Hozirda Andijon shahri elektr energiyasi iste’molchilariga 20 000 dan ziyod, Namangan shahrida 55 000dan ortiq hamda Farg‘ona shahrida 30 000 dan ziyod aholi xonadonlariga zamonaviy elektr hisoblagichlar almashtirildi. Shuningdek, Farg‘ona viloyatining Qo‘qon shahrida 51577 ta va ulgurji iste’molchilariga 3912 ta hisoblagichlar o‘rnatildi. O‘rnatilgan elektr hisoblagichlarni masofadan turib boshqarish maqsadida 403 ta konsentrator qurilmalari o‘rnatildi.
Ahamiyatlisi, ushbu loyiha doirasida har uchchala viloyatga ham mahalliy ishlab chiqaruvchi “Elektron hisoblagich” MChJ va “Toshelektroapparat” MChJ XK tomonidan ishlab chiqarilgan zamonaviy elektr hisoblagichlar o‘rnatilmoqda.
Eslatib o‘tamiz, hisoblagichlar iste’molchilarga “Hududiy elektr tarmoqlari” AJ mablag‘lari evaziga bepul almashtirilib berilmoqda.
Iste’molchilarimizdan ushbu ishlarni amalga oshirishda pul talab qilinayotgan bo‘lsa yoki manfaatlaringiz kamsitilayotgan bo‘lsa, “Hududiy elektr tarmoqlari” AJning (71-233-01-28) raqamiga hamda Telegram’dagi “Hududiy elektr tarmoqlari” AJ bilan muloqot” kanali orqali ham aholi o‘z murojaatlarini “Hududiy elektr tarmoqlari” AJga yo‘llashlari mumkin.
Kanalga a’zo bo‘lish: @hetmuloqot
“Hududiy elektr tarmoqlari” AJ Matbuot xizmati
Reklama huquqi asosida.
Izoh (0)