«Дарё» ўтиб бораётган ҳафтанинг қизғин баҳсларга сабаб бўлган твитларни диққатингизга ҳавола этади.
«Путин: Ривожланишнинг эскича қолиплари Ғарб учун улкан афзаллик бериб келар эди. Рақобатчиларнинг пайдо бўлиши билан улар савдо урушлари ва санкциялар тилида гапирмоқда», — Люсиан Ким, NPR мухбири.
«Россия халқ таълими вазирлиги Уралда жойлашган мактабларни АҚШнинг Екатеринбургдаги консулхонаси томонидан уюштирилётган тил курслари ва тадбирларда иштирок этмасликка чақирди, сабаби бундай тадбирлар ‘мамлакатимизнинг ижтимоий-сиёсий ҳаёти учун ҳалокатли таъсирга эга’», — Мэттью Лаксмур, RFRL радиосининг Москвадаги мухбири.
«Бугун Тереза Мэй Торилар партияси етакчиси вазифасидан кетади. Навбатдаги бош вазир партиянинг ҳурматга сазовор бўлмаган вакилларидан сайланмасин. Янги раҳбари ким бўлишидан қатъий назар у халққа мамлакат келажагини зудлик билан ўтказиладиган сайлов орқали ҳал қилиш имконини бериши керак», — Жереми Корбин, Лейбористлар партияси етакчиси.
«75 йил аввал иттифоқчиларнинг 160 минг аскари Шимолий Франциядаги Нормандия пляжларини ишғол қилганди. Шу тариқа Ғарбий Европани озод қилиш бошланган эди», — Иэн Бреммер, сиёсатчи, Time нашри колумнисти.
«Жон Соломон: Мюллер ҳисоботидаги фактлардаги хатолик ва тушириб қолдирилган маълумотлар у Трампга қарши эканидан далолат», — Дональд Трамп, АҚШ президенти.
«АҚШнинг Сурия бўйича махсус вакили Жефри баёнот беришича, АҚШ ва Туркия Суриядаги ҳарбий тўқнаҳувлар олдини олиш борасида конституциявий қўмита ташкил этиб, Асад режимини ағдариш борасида биргаликда иш олиб бормоқда. Аммо Остонадаги жараён Асад режимини ўзгартиришни назарда тутмайди. Россия буткул тескари фикрда», — Наим Бобурўғли, ҳарбий эксперт.
«Михаил Горбачёв шифохонада эканини ва унинг аҳволи яхши эмаслигини айтди. Аммо у аниқ тушунтириб қўйди: ‘Ҳали туннель охиридаги ёруғликни кўрганим ҳақида гапиришга эрта. Мен ҳали у ёруғликни кўрмайман», — Сара Рейнфордс, BBC мухбири.
«Буюк Британия яшил келажакни таъминловчи етакчи мамлакат бўлиши мумкин. Биз ўзимизнинг ажойиб салоҳиятимизга оптимистик нуқтаи назар билан қарашимиз лозим», — Борис Жонсон, британиялик сиёсатчи.
«Москвадаги матбуот киосклар туш пайтигача бўшаб қолди. Голунов ишига жамоатчиликнинг реакцияси ҳайратланарли даражада», — Макс Седдон, Financial Times мухбири.
«Тўқаев расмий равишда Қозоғистондаги президентлик сайловида 70,76 фоиз овоз олиб, ғалаба қилди. Аммо норозилик намойишлари давом этмоқда», — Бермет Талант, Kyiv Post нашри колумнисти.
«Анталиядаги сайёҳлик рекорди: 2019 йил 8 июнь санасида Анталияга ҳаво орқали 85 205 сайёҳ келиб тушди», — TRT Haber телеканали.
«Леонардо да Винчи мўйқаламига мансуб, қаердалиги номаълум дурдона асар топилди. Асар 2017 йилда рекорд даражадаги 450 миллион долларга сотилган эди. Саудия Арабистони валиаҳд шаҳзодаси Муҳаммад бин Салмонга қарашли супер яхтада», — Кевин Уайтло, Bloomberg.
Жаҳонгир Эргашев тайёрлади.
Изоҳ (0)