Марказий ҳарбий округи «Фориш» тоғ-дала ўқув майдонида Франция Қуролли Кучлари ҳарбий делегацияси томонидан «Снайпер кундалиги» дастури бўйича уч босқичда машғулотлар ўтказилмоқда. Бу ҳақда Мудофаа вазирлиги матбуот хизмати хабар берди.
Дастлабки босқичда мерганлар аниқликка отиш назарияси бўйича билимларга эга бўлишади. Иккинчи босқичда эса назарий тайёргарликдан ўтган ҳарбийлардан ой давомида узоқликка отиш машқларини амалий бажариш талаб этилади. Сўнгги босқичда иштирокчиларга мутахассислик педагогикасига оид билимлар берилади.
Юқоридаги синовлардан аъло натижалар билан ўтган мерганларгина йўриқчи мақомига эга бўлиши мумкин.
Француз офицерлари — капитан Жан-Тама Тоер, катта сержант Лаша Сулакаури ҳамда сержант Миксил Кокашвили тоғ шароитида мерганлик амалиёти бўйича якуний босқич машғулотларини ўтказмоқда. Машғулотлар якунига бағишланган тантанали маросим 13 июнда Франциянинг Ўзбекистондаги элчиси иштирокида ўтказилиши кўзда тутилган.
Изоҳ (0)