Ижтимоий тармоқларда Тошкент шаҳрининг Қўйлиқ мавзесида йигитларнинг оммавий муштлашуви акс этган видео тарқалганди. Бош прокуратура матбуот хизмати ушбу воқеага ойдинлик киритди.
Тошкент шаҳар прокуратураси вакили Фарҳод Бобониёзовга кўра, воқеа 5 июнь куни соат 19.50 ларда Миробод тумани, Фарғона йўли кўчасида жойлашган «Осиё бургер» тамаддихонаси олдида рўй берган.
Муштлашувда бир кишига пичоқ билан жароҳат етказилган.
Ҳолат юзасидан Тошкент шаҳар прокуратураси томонидан Жиноят кодексининг 25, 97-моддаси иккинчи қисм «л» банди билан жиноят иши қўзғатилган (айбни оғирлаштирувчи ҳолатларда безорилик оқибатида қасддан одам ўлдиришга суиқасд қилиш).
Икки нафар шахсга нисбатан қамоққа олиш тарзидаги эҳтиёт чораси қўлланган.
Изоҳ (0)