УЕФА Милллатлар Лигаси мусобақаси ярим финалидан ўрин олган иккинчи баҳсда Нидерландия терма жамоаси 6 июнь куни Англия термаси билан баҳс олиб борди.
Учрашувда ҳисобни инглизлар 32-дақиқада пенальтидан очишга муваффақ бўлди. Маркус Рэшфорд ўзи ишлаган пенальтини ўзи голга айлантирди. Иккинчи бўлимнинг 72-дақиқасида пенальтига сабабчи бўлган Маттейс де Лигт боши билан Жордан Пикфорд дарвозасини ишғол қилди.
Ўйин асосий вақти 1:1 ҳисобида якунланди. 97-дақиқда Кайл Уокер ўз дарвозасини ишғол қилиб қўйган бўлса, 114-дақиқда Квинси Промес Нидерландиянинг учрашувдаги учинчи голини урди ва жамоасининг ғалабасини таъминлади.
Шу тариқа Нидерландия терма жамоаси Англияни мағлуб этиб финалга йўл олди. Энди жамоа ҳал қилувчи баҳсда Португалия термасига қарши кураш олиб боради. Финал 9 июнь куни бўлиб ўтади.
Миллатлар Лигаси
Ярим финал баҳси
6 июнь, пайшанба
Нидерландия– Англия 3:1
Голлар: 0:1 – 32, пенальти Рэшфорд, 1:1 – 73 де Лигт, 2:1 – 97, автогол Уокер, 3:1 – 114 Промес.Нидерландия – Силлессен, де Лигт, Блинд, Думфрис, ван Дейк, Депай, де Рон (ван де Бек, 68), Бергвейн (Проппер, 90), Вейналдум, Бабел (Промес, 68), де Йонг (Стротман, 114).
Англия – Пикфорд, Райс (Алли, 105), Магуайр, Стоунз, Delf (Ҳендерсон, 77), Стерлинг, Баркли, Уокер, Санчо (Лингард, 61), Чилуэлл, Рэшфорд (Кейн, 46).
Огоҳлантириш: де Лигт (30), Думфрис (44), Кейн (70), ван де Бек (106).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)