КХДР етакчиси Ким Чен Иннинг синглиси Ким Ё Чжон Ханоедаги АҚШ-КХДР саммити яхши ташкил этилмагани учун бир гуруҳ мансабдор шахслар билан бирга жазолангани ҳақидаги гап-сўзларни инкор этиб, омма олдида кўриниш берди, деб хабар берди «Вести.ru».
3 июнь куни Ким Ё Чжон Ким Чен Ин ва бир неча мансабдор шахслар билан бирга «Биринчи май» стадионида гимнастлар ва хонандалар чиқишини томоша қилган.
Жанубий Кореянинг Yonhap агентлигининг қайд этишича, бу Ким Ё Чжоннинг апрель ойида Олий халқ кенгаши йиғилишида иштирок этганидан бери биринчи омма олдида кўриниши эди.
Изоҳ (0)