Жорий йилнинг 27 май кунидан 2 июнигача Тошкент йўлларида 21 116 марта Йўл ҳаракати қоидалари бузилганлиги ИИББ ЙҲХБ ЙПХ инспекторлари томонидан қайд этилди, шулардан 3 420 таси – қўпол тарзда бузилганлик фактлари. Бу ҳақда Тошкент шаҳар ИИББ хабар берди.
Умумий статистиканинг баъзи рақамлари билан қуйидаги жадвалда танишиб чиқишингиз мумкин:
24 нафар ҳайдовчилар текширилганларида, улар автотранспорт воситасини спиртли ичимлик таъсири остида бошқарганликлари аниқланди.Ўтган ҳафта давомида тўрт марта транспорт воситалари ҳайдовчиларининг спиртли ичимликдан, гиёҳванд модда таъсиридан ёки ўзгача тарзда мастлиги ёки маст эмаслигини белгиланган тартибда аниқлаш учун текширувдан ўтишдан бўйин товлашлашлари қайд этилди.
Автомобиль бошқаруви давомида телефондан фойдаланганлар (ҳафта давомида 139 та баённома) ҳам, видеомонитордан фойдаланганлар ҳам (5 та баённома) қўлга тушди.
Светофорнинг тақиқловчи сигналини менсимаслик ҳафта давомида 192 марта қайд этилди. Аслида Маъмурий жавобгарлик тўғрисидаги кодекснинг 128-4-моддасига мувофиқ баённома тузилиши, ушбу қоидабузарликка йўл қўйган ҳайдовчи учун енгил қутулишдир.
Ўтган ҳафта мобайнида 342 нафар ҳайдовчиларда транспорт воситасини бошқариш учун зарур бўлган ҳужжатлар бўлмагани ЙПХ инспекторлари томонидан қайд этилди. Янги марка харид қилган 131 нафар ҳайдовчилар уларни тегишли тарзда рўйхатдан ўтказишни унутиб, Маъмурий жавобгарлик тўғрисидаги кодекснинг 125-моддасига мувофиқ жазоланди.
27 майдан 2 июнга қадар тўрт нафар фуқаролар қалбакилаштирилган ёки ўзгартирилган авторақамлар билан автомобиль бошқарганликлари аниқланди. Бу эса Кодекснинг 125-моддасига (6-қисми) мувофиқ ЭКИҲнинг ўн баравари миқдорида жарима солинишига сабаб бўлади.
Транспорт воситасини пиёдалар йўлакчаси бўйлаб бошқариш фактлари ўтган ҳафта давомида 188 марта қайд этилди. Бу Маъмурий жавобгарлик тўғрисидаги кодекснинг 128-моддасига мувофиқ ЭКИҲнинг ½ бараваридан 4 бараваригача миқдорда жарима солинишига сабаб бўлади.
Ўтган ҳафта давомида ЙПХ инспекторлари 652 марта ҳайдовчиларнинг йўл ҳаракати қоидаларини бузиши транспорт воситаларининг ёки бошқа мол-мулкнинг шикастланишига олиб келиши билан боғлиқ бўлган қоидабузарликни қайд этди. Маъмурий жавобгарлик тўғрисидаги кодекснинг 134-моддасига мувофиқ, бу каби қоидабузарлик айбдорини ЭКИҲнинг 2 бараваридан 4 бараваригача миқдордаги жарима, ёки транспорт воситаси бошқаруви ҳуқуқидан олти ойдан бир йилгача маҳрум бўлиш кутмоқда.
Ўтган ҳафтада тўхташ ва тўхтаб туриш қоидалари бузилишига алоҳида эътибор берилди: Маъмурий жавобгарлик тўғрисидаги кодекснинг 128-6-моддаси бўйича 1962 та баённомалар тузилди.
Пиёдалар томонидан йўл ҳаракати қоидалари бузилиши 1496 марта қайд этилди.
Изоҳ (0)