АҚШга виза олишни истовчилар ижтимоий тармоқлардаги профиллари ҳақида маълумот тақдим этишига тўғри келади, деб ёзади «РИА Новости». Тегишли қарор президент Дональд Трамп маъмурияти томонидан қабул қилинган бўлиб, июндаёқ кучга киради.
Давлат департаментида маълум қилишларича, визага даъвогарлар анкетада улар ижтимоий тармоқлардан фойдаланмаслигини айтиши мумкин, аммо агар уларнинг профиллари топилиб қолса, бу «жиддий иммиграцион оқибатлар»га олиб келиши мумкин.
«Биз кузатишимизча, сўнгги йилларда бутун дунёда ижтимоий тармоқлар террорчилик фаолияти учун энг муҳим майдонга айланмоқда», — дейишди Давлат департаментида.
Уларнинг фикрича, бу хавфли шахсларни АҚШда иммиграцион имтиёзларга яқинлаштирмаслик учун ўта муҳим восита бўлади.
Изоҳ (0)