Луизиана губернатори, демократ Жон Белл Эдвардс ҳомиланинг юрак уришини аниқ эшитиш мумкин бўлган, яъни ҳомиладорликнинг олтинчи ҳафтасидан сўнг аборт қилишни тақиқловчи қонунни имзолади. Бу ҳақда Meduza хабар берди.
Миссисипи ва Луизианадан ташқари, ҳомиладорликнинг олтинчи ҳафтасидан сўнг аборт қилишни тақиқловчи қонунлар АҚШнинг Кентукки, Огайо, Жоржия ва Алабама штатларида ҳам қабул қилинган.
Ушбу қонунларнинг айримлари ҳатто зўрлаш ва инсест ҳолларида ҳам аборт қилишга рухсат бермайди. Ҳозирги вақтда ушбу қонунларнинг бирортаси кучга кирмаган.
Луизиана губернатори аъзо бўлган Демократлар партияси олти ҳафтадан кейин аборт қилиш тақиқини қўллаб-қувватламайди. Аммо Эдвардснинг ўзи абортларнинг ашаддий душмани сифатида танилган.
Изоҳ (0)