Рамазон ҳайити арафасида Олий суд раисининг ўринбосари Холмўмин Ёдгоров, аёл судьялар ва жамоатчилик вакиллари Зангиота туманида жойлашган аёллар жазо муассасасида бўлиб, очиқ мулоқот ўтказди. Бу ҳақда «Дарё»га Олий суд матбуот хизмати маълум қилди.
Жазо ўтаётган аёлларга бадиий китоблар совға қилинди.
Муассасада сайёр суд мажлиси ҳам бўлиб ўтди. Унда жами 19 нафар аёл жазодан озод этилиб, уйига, оиласи бағрига қайтарилди. 20 нафар аёл ёпиқ турдаги жазони ижро этиш муасссасасидан манзил-колониясига ўтказилди.
—Хурсандлигимдан кўз ёшимни тиёлмаяпман, — дейди Наманган шаҳрилик Г.Х. — 2 нафар фарзандим бор. Қилмишимдан чин кўнгилдан пушаймонман. Илтимосим инобатга олиниб, муддатидан олдин озодликка чиқяпман. Бошқа жиноят қилмайман, оилам даврасида ҳалол меҳнат қилишга ваъда бераман.
Сайёр суддан сўнг Олий суд раиси ўринбосари маҳкумаларни қабул қилиб, уларнинг мурожаатларини тинглади.
Изоҳ (0)