2018 йил 15 август куни Вазирлар Маҳкамасининг «Давлат умумий ўрта таълим муассасалари ўқувчиларини замонавий ягона мактаб формаси билан таъминлаш чора-тадбирлари тўғрисида»ги қарори эълон қилинган эди.
Шунга мувофиқ Ўзбекистоннинг энг йирик тўқимачилик маҳсулотлари ишлаб чиқарувчи «Bahmal Group» тесктиль компанияси ҳам 2019/2020 ўқув йиллари учун мактабларга форма ишлаб чиқарувчи корхоналар сафига кирди. Хўш, таълим соҳасида янгилик саналган воқелик: ягона мактаб формасини ишлаб чиқарувчиларидан бири ҳақида нималарни биламиз?
2005 йилда ташкил топган, ўз таркибига 10 та йирик текстиль корхоналарини бириктирган «Bahmal Group» компаниясида 1500 нафарга яқин ишчи-мутахассислар меҳнат қилади. Компания пахта толасидан иборат ип-калавадан хом бўз маҳсулотларини тўқиш, уларга ишлов бериб, гулли газламар, бўялган матолар ишлаб чиқариш билан шуғулланади. Пахтадан фойдаланган ҳолда дастрўмолчалар, чойшаблар, ошхона тўпламлари ва бошқа турдаги тайёр маҳсулотлар етказиб беради. Сифатнинг юқорилиги туфайли ички ва ташқи бозорда талаб бирдек баланд. Компания ипак толасини ҳам ишлаб чиқариб, 100% экспорт қилади.
2017 йилда корхона Италиянинг Реггиани компаниясининг замонавий ва юқори технологияли рақамли гул босиш машинаси асосида матолар ишлаб чиқаришни бошлади. Айни пайтда босма ва бўялган матолар учун корхонанинг қуввати йилига 45 миллион метрни ташкил этади. Компания нафақат Ўзбекистонда, балки Россия, Польша, Чехия, Эстония ва Марказий Осиё мамлакатлари орасида ҳам танилган. Малакали ходимлар, замонавий ускуналар, қатъий сифат назорати талабгир матолар ишлаб чиқариш имконини беради.
Бугунги кунда компанияда мактаб формасини ишлаб чиқариш бўйича жадал суръатларда иш олиб борилмоқда. Туркиялик мутахассислардан иборат жамоа айнан шу мақсадда меҳнатга жалб этилган бўлиб, ҳозирда мактаб формаси учун матолар ҳамкорлар ихтиёрига бирин кетин топшириляпди.
Мактаб формаси учун матоларни ишлаб чиқариш жараёнлари ва тайёр маҳсулотни сифат назорати бўлими вакиллари лаборатория ускуналари ёрдамида стандартларга мос ёки йўқлигига текширади. Ювишга чидамлилик, мато қисқариши ва бошқа кўплаб параметрлар доирасида лаборатория текширувлари бўлиб ўтгандан сўнг, стандартга мос маҳсулотлар мижозларга етказилади.
220100 Ўзбекистон Республикаси, Хоразм вилояти, Урганч ш., В.Фаёзов кўчаси, 1-а уй
Телефон/Факс: +998 62 229 48 75 (112)
Email: marketing@bahmal.uz
Веб сайт: www.bahmal.uz
Telegram: https://t.me/bahmal_group
Facebook: @bahmalgroup
Instagram: @bahmal.group
Twitter: @bahmalg
Youtube канали: https://www.youtube.com/channel/UCErYgMJKAQzj4YkpLthgk6w
Реклама ҳуқуқи асосида
Изоҳ (0)