Чегарасиз тиббиёт. Ўзбекистон аҳолиси жаҳон даражасидаги тиббий ёрдамни ўз юртида олиш имкониятига эга бўлади

Эҳтимол, республикамизнинг ҳар бир фуқароси мамлакатда тараққий этаётган барча соҳалардаги ижобий ўзгаришларни ҳис этган бўлса керак – маданий тадбирлар фаол шаклланиб бормоқда, таълим даражаси ошмоқда, юзлаб халқаро битим ва шартномалар имзоланмоқда. Шу ўринда таъкидлаб ўтиш керакки, юртимизда тиббиёт ва соғлиқни сақлаш соҳасида ҳам изчил ишлар амалга оширилмоқда. Бунда 2019 йилнинг май ойида Республика Онкология маркази ва Туркиянинг Anadolu Тиббиёт маркази ўртасида имзоланган ҳамкорликка оид меморандум бу борада эришилган яни бир катта ютуқ бўлди.

Туркиянинг Истамбул шаҳрида жойлашган Anadolu Халқаро Тиббиёт маркази АҚШдаги Жон Хопкинс номидаги университет клиникаси ёрдамида ташкил этилди ҳамда илғор халқаро стандартлар, билим, тажриба, тиббий инновацияларга амал қилган ва соғлом ҳаёт учун курашишга интилган ҳолда фаолият амалга ошириб келмоқда.

Anadolu негизида турли ихтисослаштирилган марказлар фаолият юритиб, улар жумласига жаҳонда энг йирик Суяк илигини трансплантация қилиш маркази, Онкология маркази, ЭКО марказ, Жарроҳлик маркази, Юрак қон-томир касалликлари маркази, замонавий техника билан жиҳозланган Ташхис маркази, Нейрожарроҳлик маркази ва бошқалар киради.

Клиника турли халқаро сертификат ва аккредитациялар билан мукофотланган бўлиб, улар клиниканинг жаҳон стандартлари даражасида ишлашини тасдиқлайди: ESMO (Европа тиббий онкология жамияти), ОЕСI (Европа Онкология институтлари ташкилоти), JCI (Бирлашган халқаро комиссия) ва Planetree (беморларни парваришлаш учун Олтин сертификат).

Ҳар йили Anadolu тиббиёт марказига даволаниш учун жаҳон бўйлаб минглаб беморлар қабул қилинади.Бироқ, клиника шифокорлари фақатгина даволаш фаолияти билан шуғулланибгина қолмай, балки жаҳондаги ҳамкасблари билан мулоқот йўлга қўйиб, тажриба алмашган ҳолда халқаро ҳамкорликни ҳам фаол ривожлантириб келмоқда.

Anadolu вакиллари ҳамда Республика Онкология Маркази бош шифокори Мирзағолиб Ниғматович Тиллашайховнинг (ЎзР ССВ РИИАО ва РТМ директори) учрашуви шифохона биносида дўстона муҳитда бўлиб ўтди. Суҳбат доирасида тарафлар ўзаро ҳамкорлик юзасидан бир қатор йўналишлар белгилаб олиб, улар жумласига Anadolu клиникаси негизида шифокорларимиз учун тажриба алмашинуви ва малака ошириш киради. Шунингдек, Anadolu клиникаси томонидан шифокорлар, ҳамширалар ва соғлиқни сақлаш соҳасидаги бошқарувчилар учун инновацион ўқув курслари ва дастурлари ташкил этилган.

Меморандумнинг имзоланиши ҳамкорликни янада ривожланитириш ва кенгайтириш учун кенг имкониятлар очиб беради.

Anadolu маркази онкологик касалликларини даволашнинг қуйидаги илғор усулларида ихтисослашади:

— иммуннотерапия ва таргет терапияси;— радиотерапия ва радиожарроҳлик;— касалликларни кечки босқичида даволаш учун кимё терапияси;— радиоэмболизация ва кимёэмболизация;— Da Vinci роботини қўллаган ҳолда роботлаштирилган жарроҳлик;— ярим мос келадиган донордан суяк илигининг галлоидентик трансплантацияси.

Яхё Зиёев (ЎзР ССВ РИИАО ва РТМ Халқаро бўлими раҳбари):

— Ўзбекистон Республикаси Президентининг онкология хизматини ривожлантириш тўғрисидаги қарори доирасида охирги 2-3 йил давомида биз кўплаб халқаро шерикларимиз ва бошқа давлатлардаги ҳамкасбларимиз билан фаол ҳамкорлик қилиб келмоқдамиз. Мақсадимиз тиббиёт даражасини (хусусан, онкология соҳасини) хорижий шерикларимиз ёрдамида жаҳон даражасигача ривожлантиришдан иборат. Беморларга биргаликда маслаҳатлар бериш, маҳорат дарсларини ўтказиш, мутахассисларимизни етакчи тиббиёт марказлари негизида ўқитиш, кўшма анжуманлар ўтказиш ва шу каби бошқа тадбирлар ҳамкорлигимизнинг асосий йўналишлари ҳисобланади. Шу муносабат билан биз Anadolu маркази билан тузилган битимдан ғоят мамнунмиз. Ҳамкорлигимиз узоқ муддатли, мустаҳкам ва ўзаро манфаатли бўлишидан умид қилиб қоламан!

Гўзал Кескин, Anadolu маркази Халқаро бўлими шифокори:

— Биз МДҲ да етакчи муассасалардан бири ҳисобланган Республика Онкология Маркази билан ҳамкорликни бошлаш шарафига муяссар бўлганимиздан мамнунмиз. Охирги йиллар мобайнида Ўзбекистоннинг соғлиқни сақлаш соҳасида кўп ижобий ўзгаришлар рўй берди, маҳаллий тиббиёт фаол ривожланиб бормоқда, шу муносабат билан биз ушбу ижобий ўзгаришларга ўз ҳиссамизни қўшишимиздан хурсандмиз. Ҳамкорлигимиз ҳар иккала тараф учун самарали бўлишидан, яъни мутахассисларимизга тажриба алмашишга ва «онкология» деб номланган умумий душманимизга халқаро даражада қарши курашишда бирлашишга ёрдам беришидан умид қилиб қоламиз.

Шубҳасиз, мазкур меморандум маҳаллий соғлиқни сақлаш тизими учун яна бир катта қадам ҳисобланади. Мухтасар айтганда, имзонланган битим шарофати билан Ўзбекистонлик беморлар хорижга чиқмаган ҳолда, ўз юртида юқори сифатли тиббий ёрдам олиш имкониятига эга бўладилар.

Биз мазкур ҳамкорликка равнақ ва ривож тилаб қоламиз!

Боғланиш учун маълумотлар:Сайт: www.anadolumedicalcenter.ruE-mail: инт.patients@anadolusaglik.orgFacebook

Реклама ҳуқуқи асосида.