«Ўзбектелеком» операторлар ва провайдерлар учун интернет-канал тарифларини пасайтирди. Бу ҳақда компания вакиллари 28 май куни бўлиб ўтган матбуот анжуманида маълум қилди, деб хабар берди Spot.
Хусусан, компания Халқаро пакетли коммутация марказига уланган операторлар ва провайдерлар учун интернет-канал тарифининг нархини 1 Магабит / секунд учун 70,128 сўмгача пасайтирди. 2018 йил охирида бу нарх 85 минг сўмни ташкил этган.
Шунингдек, дастлабки уч ойда портлар ижараси қиймати 10,5 минг сўмга камайди, ўтган йилнинг биринчи чорагида эса бу кўрсаткич 35 минг сўмни ташкил этган.
Компания республика бўйлаб 4 минг километрдан ортиқ турли хил мис кабеллар янгилади, аҳоли ва бошқа ижтимоий объектларга GPON технологиясидан фойдаланган ҳолда телекоммуникация хизматларини тақдим этиш учун 5 минг километрдан ортиқ оптик-толали алоқа линияларини йўлга қўйди, 2,4 мингдан ортиқ кўп қаватли турар жой ва 1,1 мингга яқин мактабни алоқа хизматлари билан таъминлади.
Ҳозирги кунда умумий ҳажми 54 минг порт бўлган VDSL ускуналарини ўрнатиш, шунингдек, мамлакатнинг барча ҳудудларида 147 минг портни ташкил этадиган GPON ускуналарини ўрнатиш ишлари олиб борилмоқда.
Таъкидланишича, ҳар бир провайдер тақдим этаётган хизматларнинг нархларини мустақил равишда белгилайди.
Изоҳ (0)