Бош прокуратура ҳузуридаги Департамент ходимлари томонидан ўтказилган тезкор тадбирда Низомий номидаги Тошкент давлат педагогика университети ўқитувчиси Р.А. ва Зангиота туманидаги 39-сонли мактаб ўқитувчиси М.Р. қўлга олинди.
Улар фуқаро А.У.дан жияни Ж.Т.ни ушбу университетга ўқишга киритиб қўйиш эвазига 7 000 АҚШ долларини талаб қилиб олаётган вақтида ашёвий далиллар билан ушланган.
Мазкур ҳолат юзасидан Р.А. ва М.Р.га нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.