Жиззахда бозор кўчасидан ўтган автотранспорт эгаларидан ўзбошимчалик билан пул талаб қилган зўравонларга суд ҳукми ўқилди. Бу ҳақда «Дарё»га Жиноят ишлари бўйича Жиззах шаҳар суди хабар берди.
Маълум бўлишича, Жиззах шаҳрида яшовчи ака-ука Ч.Давидов ва Э.Давидовлар (исми-шарифи ўзгартирилган) Жиззах шаҳар, «Кўк бозор» ёнида жойлашган «Э.Бекмуродов» кўчасида йўлни таъмирлаганлигини важ қилиб, шу йўлдан ўтган машиналардан ноқонуний равишда пул олиб келган.
Я.Қўчқоров ўзининг Damas машинасида шу йўлган ўтаётганида ундан ҳам пул беришини сўраган. Я.Қўчқоров пул беришдан бош торган ва ўзаро жанжал келиб чиққан. Ч.Давидовнинг укаси Э.Давидов билан Я.Қўчқоровнинг дуч келган жойига уриб, тепган ва пичоқ тираб, пул бермаса пичоқни қорнига тиқиб олишини айтиб қўрқитган.
Я.Қўчқоров Ч.Давидовни итариб юбориши оқибатида Ч.Давидовнинг қўлидаги пичоқ Я.Қўчқоровнинг қўлларини тилиб кетган. Я.Қўчқоровнинг отаси Я.Қўчқоров уларни ажратмоқчи бўлган вақтида Ч.Давидов қўлидаги пичоқ билан Я.Қўчқоровни ўнг қўли билак соҳасини тилиб, тан жароҳати етказган.
Воқеа жойига етиб келган аҳоли уларни ажратиб, Я.Қўчқоров олган тан жароҳати натижасида воқеа жойига етиб келган тез тиббий ёрдам автомашинасида биринчи ёрдам олиш учун касалхона юборилади.
Жиноят ишлари бўйича Жиззах шаҳар судининг ҳукми билан ака-ука Ч.Давидовнинг ва Э.Давидовлар Жиноят кодекси 277-моддаси 3-қисмининг «г» бандида кўрсатилган жиноятни содир қилганликда айбли деб топилиб, Ч.Давидовга 3 йил 6 ой, Э.Давидовга 3 йил муддатга озодликни чеклаш жазоси тайинланди.
Ч.Давидовнинг ўзбошимчалик билан Жиззах шаҳар «Э.Бекмуродов» кўчасига кирган автомашина эгаларидан ўзбошимчалик билан пул олганлик ҳолати маъмурий ҳуқуқбузарлик тариқасида кўриш учун алоҳида ажратилиб, маъмурий ҳуқуқбузарликка доир иш қўзғатиш учун Жиззах шаҳар прокурорига юборилди.
Изоҳ (0)