Ўзбекистон ва Туркманистон чегарасида «Сурхонобод» темир йўл станцияси ишга туширилди

Ўзбекистон ва Туркманистон чегарасида «Сурхонобод» темир йўл станцияси ишга туширилди. Бу ҳақда «Халқ сўзи» хабар берди.

Шу пайтга қадар Ўзбекистоннинг жанубий қисмида қўшни давлат билан темир йўл орқали ташувлар «Болдир» станцияси орқали амалга оширилган бўлса, энди унинг қаторига янги станция ҳам қўшилди.

«Ўзбекистон темир йўллари» АЖ, Божхона қўмитаси, ДХХ Чегара қўшинлари билан ҳамкорликда барпо этилган станцияда чегара пости ва назорат-ўтказиш пунктлари жойлашган. Бу ерда чегара, божхона ва бошқа давлат назорати турларини амалга ошириш учун барча шарт-шароитлар яратилган.

«Боштранслойиҳа» АЖ мутахассислари ишланмасига кўра бунёд этилган янги темир йўл назорат ўтказиш пунктида қурилиш-монтаж ишлари «Термиз махсус қурилиш» УК ишчи-ходимлари томонидан амалга оширилди.

Станция жойлашган қарийб 4 километрга яқин темир йўл қисми махсус панжаралар билан ўралган. Темирйўлчилар, чегара ва божхона ходимларига ҳам қулайликлар яратилган