2020 йили Ўзбекистонда диск ишлаб чиқарувчи корхона ишга туширилади. Қўшма корхонанинг низом жамғармаси 3,4 миллион долларни ташкил этади, шундан 1,5 миллион доллар миқдоридаги тўғридан-тўғри чет эл инвестицияси киритилиши белгиланган, бу ҳақда «Ўзагротехсаноатхолдинг» матбуот хизмати маълумотига таяниб Spot хабар қилади.
«Тошкент қишлоқ хўжалиги техникаси заводи» АЖ ҳамда Хитойнинг Shijiazhuang Zhongxing Machinery Manufacture Co Ltd компанияси ўртасида қўшма корхона тузиш бўйича келишувга эришилди.
Лойиҳа қишлоқ хўжалиги ва юк ташиш транспорти учун диск ишлаб чиқаришни ташкил этиш бўйича амалга оширилади.
Янги қўшма корхонанинг низом жамғармаси 3,4 миллион долларни ташкил этади, шундан 1,5 миллион доллар миқдоридаги тўғридан-тўғри чет эл инвестицияси киритилиши белгиланган. Келишувга асосан корхонага 30 дан ортиқ янги замонавий асбоб-ускуналар олиб келинади.
Шунингдек, корхонанинг ишлаб чиқариш қуввати йилига 100 минг дона ғилдирак дисклари ишлаб чиқариш ташкил этиб, мамлакатнинг ушбу маҳсулотга бўлган эҳтиёжни тўлиқ қондиради. Янги ташкил этилаётган корхонада 100 га яқин янги ишчи ўринлари яратилади.
Ушбу корхона 2020 йилнинг биринчи чораги якунида тўлиқ ишга туширилиши режалаштирилган.
Shijiazhuang Zhongxing Machinery Manufacture Co Ltd — Хитойнинг етакчи диск ишлаб чиқарувчи компанияси бўлиб, 2002 йилда ташкил этилган.
Изоҳ (0)