Хитойда 14 та бармоқ билан туғилган қизча операция қилинди. Бу ҳақда Daily Mail хабар берди.
Уч ёшли қизча ночор оилада туғилган эди. Оиланинг бешта авлодида шундай нуқсон кузатилган, бироқ оилада операция ўтказиш учун етарли пул бўлмаган. Нашр қизча пул эвазига ёки бепул операция қилинганига ойдинлик киритмаган.
Қизча Ляонин провинциясидаги шифохонада операция қилинган.
Шифокорлар қизча операциядан кейин бармоқларини қимирлата олишига кафолат берган.
«Қизчанинг ҳар бир қўлида иккитадан ортиқча бармоқ бор эди. Бундай ҳолат жуда кам учрайди. Бизнинг ишимизни қайси бармоқни олиб ташлаб, қайси бармоқни қолдириш масаласи қийинлаштирди», — дейди жарроҳ.
Операция муваффақиятли ўтди, ҳозирда қизчанинг аҳволи яхши.
Изоҳ (0)