WikiLeaks асосчиси Жулиан Ассанжга нисбатан яна қўшимча 17 та айблов эълон қилинганидан сўнг, унга жами 175 йил қамоқ жазоси таҳдид солмоқда. Бу ҳақда АҚШ Адлия вазирлигига таяниб, «Корреспондент» хабар берди.
«Ассанж ўзига нисбатан эълон қилинган айбловлар бўйича айбдор деб топилгудек бўлса, у ҳар бир пункт бўйича 10 йил озодликдан маҳрум этилади. Бунда қасддан компьютерни бузиб фитна уюштириш учун беш йил озодликдан маҳрум этиш жазоси ҳисобга олинмаган. Жами айбловлар 175 йил озодликдан маҳрум этиш муддатини назарда тутади», — дейилади хабарда.
Хусусан, Ассанж жосуслик тўғрисидаги қонунни бузишда, махфий ахборот манбаларининг исмини ноқонуний равишда эълон қилишда, шунингдек, тил бириктиришда айбланмоқда.
Эслатиб ўтамиз, Жулиан Ассанж 11 апрель куни Эквадорнинг Лондондаги элчихонасида қўлга олинган эди.
Изоҳ (0)