Фотогалерея: Аввал маълум бўлмаган ноёб экзотик мевалар

Бугун экзотик мевалар ичида дуриана ёки личи билан ҳеч кимни ажаблантириб бўлмайди. Банан ва ананас ҳақида эса гапирмаса ҳам бўлади, уларни ҳатто ёш болалар ҳам билади. Лекин дунёда яна бошқа мевалар ҳам борки, улар гўё фантастик фильмдан олинганга ўхшайди. AdMe ана шундай экзотик меваларга эътибор қаратди.

Капулин

Капулин ҳажми жиҳатидан қорағатдан бироз каттароқ, таъми эса бодом  ва олчанинг аралаштирилганига ўхшайди. Ямайки аҳли унинг дарахтини уйи яқинидан ўсиб чиққанини кўргудек бўлса, дарров кесиб ташлайди. Чунки кўршапалаклар капулинни жуда яхши кўради ва тунлари унинг атрофида парвона бўлади. Мевасидан жем, мураббо ва шарбат тайёрланади.

Кепель

Бу мевани фақат Ява оролидан ёки Индонезиядан топиш мумкин. Бошқа ерда ўсмайди. Меванинг мазаси мангони эслатади, ҳиди эса бинафшаникига ўхшайди. Кепелни доимий равишда истеъмол қилиш аёлларда вақтинчалик бепуштликка сабаб бўлади. Шунинг учун қадимда ундан контрасептив восита сифатида фойдаланилган.

Қора олма

Қора олма — хитойлик селексионерларнинг иши. «Қора бриллиант» навини пайванд ёрдамида олиб кетилган ва у ҳозирда фақат Тибет тоғларида ўстирилади. Тезкор ультрабинафша нурлари таъсирида олманинг пўстлоғи «тобланади» ва тўқ сиёҳранг тусга киради.

Аки

Аки Ямайкада ўсади ва фугу балиғининг мева кўриниши ҳисобланади. Унинг таркибида кўплаб токсинлар борлиги сабаб, кўп давлатларда тақиқланган. Нотўғри тайёрланса, мева ўлимга сабаб бўлиши мумкин.

Акини ейиш учун мева қизаришини ва оқ шира чиқаришини кутиш керак. Уруғи ўлимга сабаб бўлиши мумкин. Ямайкада акини қовуриб, ёнғоқ таъмига эга овқат тайёрланади.

Африка ноки

Африка ноклари ранги ва ҳажмидан бақлажонга ўхшайди. Лекин меванинг ичи ям-яшил ҳамда юмшоқлиги сарёғга ўхшайди (унда 48% ёғ бор) Ноклар қайнатилади, қовурилади ва хомлигича ейилади. Ундан ҳатто биоёқилғи ҳам тайёрланади.

Нипа

Нипа мева ҳисобланса ҳам, аслида дарахт ёнғоғи. Ҳиндистондан Тинч океанигача бўлган дарёлар бўйидаги палмаларда ўсади. Унинг баргларидан маҳаллий халқ том ясайди, ҳосилидан эса алкоголь ичимликлар тайёрлайди. Бундай ташқари, мевасини музқаймоққа сепиб ҳам ейиш мумкин. Лекин серсув ва таъмсиз бўлади.

Лимонли ферония

Ферония ёки фил олмаси Ҳиндистонда ва Шри-Ланкада йўл ёқасида ўсади ва унчалик ҳам ноёб мева ҳисобланмайди. Кўринишидан ферония моғорлаган кокосга ўхшайди, ҳиди эса ундан ҳам ёмон — майиз ва кўк пишлоқнинг аралашмаси каби. Лекин ўзи мазали мева ҳисобланади. Таъми манго ва ананасдан қилинган пудингга ўхшайди. Маҳаллий халқ ундан шарбат тайёрлайди ва буни соғлиқ учун жуда фойдали деб ҳисоблайди.

Юлдузсимон олма

Юлдузсимон олмани татиб кўриш учун Марказий Америкага боришга тўғри келади. Олманинг пўстини еб бўлмайди, шунинг учун ўртасидан кесиб, эт қисмини қошиқ ёрдамида ўйиб ейилади. У жуда ҳам ширин эмас, мазаси олхўриникига ўхшайди.

Агуахе

Агуахе — Перуда ўсадиган палмаларнинг меваси.  Усти тангачалар билан қопланган, ичидан эса сариқ ширин эти яширинган. Маҳаллий аҳоли ундан мураббо, жем, вино тайёрлайди, қуёш куйишидан асраши учун терисига суртади. Таркибида А витамин ва фитоэстрогенлар жуда кўплиги сабаб аёллар учун фойдали мева ҳисобланади.

Жамбоза

https://www.instagram.com/p/-KxWxbwqUr/?utm_source=ig_embed

У атиргул олма, померан олхўриси ва помарозанинг йиғиндиси. Жамбозани фақатгина жануби-шарқий Осиё мамлакатлари ва Ҳиндистонда татиб кўриш мумкин. Чунки бу мева экспорт қилинмайди. Пўстининг юпқалиги ва серсув мева экани сабаб бошқа мамлакатга олиб отишга ярамайди.

Пўсти юпқа, ичидаги серсув меваси тарвуз таъмини беради. Мева кесилган пайти гулларнинг ҳиди уфуради, шунигн учун унинг иккинчи номи «атиргул олма».

Тумбо

https://www.instagram.com/p/BgcOpUjBv58/?utm_source=ig_embed

Тумбо ёки бананли маракуйя ҳақиқий мевали Франкенштейн. Кўринишидан бананга ўхшайди. Териси цитрус меваларники, ичи эса маракуйя каби юмшоқ. Таъми банан ва апелсинга ўхшайди.

Пакау

https://www.instagram.com/p/BTPeQJllvjX/?utm_source=ig_embed

Пакауни Марказий ва Жанубий Америкада ейишади. Яшил таёқчалар ва қора донлари ташлаб юборилади. Ичидаги оппоқ юмшоқ меваси эса егулик сифатида фойдаланилади. Мазаси ширин ванил пахтага ўхшайди.