Ўзбекистон истеъмолчилар ҳуқуқларини ҳимоя қилиш жамиятлари федерацияси республика бозорларидаги нарх-навони ўрганишни давом эттиради, деб хабар берди ЎзА.
Республика бозорларидаги озиқ-овқат, ноозиқ овқат ва қишлоқ хўжалиги маҳсулотларининг 2019 йил 19 май ҳолатидаги нархлари
Мол гўшти28 000 сўмдан – 42 000 сўмгача
Энг арзон нарх Қорақалпоғистоннинг Нукус шаҳар марказий деҳқон бозорида кузатилди. Ушбу бозорда 1 килограмм мол гўштининг нархи 28 000 сўмдан - 38 000 сўмгача сотилмоқда.
Бир килограмм мол гўшти учун энг қиммат нарх Жиззах шахри Марказий деҳқон бозори ҳамда «Чорсу» деҳқон бозорида қайд этилган – 32 000 – 42 000 сўм.
Қўй гўшти28 000 сўмдан – 45 000 сўмгача
Энг арзон нарх 1 килограмм қўй гўшти учун Қорақалпоғистоннинг Нукус марказий бозорларида қайд этилди. Бу ерда 1 килограмм қўй гўштини 28000 дан 33 000 сўмгача харид қилиш мумкин.
Энг қиммат нарх бу ҳафтада ҳам Сурхондарё вилояти Термиз шаҳар марказий деҳқон бозорида кузатилди – 1 килограмм қўй гўшти - 42 000 дан 45 000 сўмгача.
Товуқ гўшти13 000 сўмдан – 20 000 сўмгача
Энг арзон нарх Хоразмда Урганч шаҳар марказий деҳқон бозорида ҳамда Намангандаги «Сардоба» деҳқон бозорида қайд этилди – 13 000 сўмдан – 15 000 сўмгача.
Энг қиммат нархдаги товуқ гўшти эса Тошкентдаги Миробод деҳқон бозорида кузатилди – 18 000 – 20 000 сўм.
Гуруч4 000 сўмдан – 16000 сўмгача
Энг арзон нарх Сурхондарёда Термиз шаҳри Марказий деҳқон бозорида ва Самарқанд шаҳар «Сиёб» деҳқон бозорида қайд этилган – 4 000 – 14 000 сўм.
Энг қиммат нарх эса Тошкентдаги «Чорсу» деҳқон бозорида кузатилган – 6 000 – 16 000 сўм.
Ўсимлик ёғи7200 сўмдан – 12 500 сўмгача
Энг арзон ўсимлик ёғи пойтахтдаги «Фарҳод» деҳқон бозорида кузатилди. Бу ерда сиз ўсимлик ёғини 7 200 сўмдан – 11 500 сўмгача харид қилиш мумкин.
Энг қиммат нарх ҳам пойхтахтда «Миробод» деҳқон бозорида қайд этилган – 10 000 дан 12500 сўмгача.
Ун1 750 сўмдан – 4 900 сўмгача
Энг арзон нархдаги ун Тошкентдаги «Фарҳод» бозорида кузатилди. Бу ерда сиз 1 килограмм ун учун 2 200 сўм тўлашингиз зарур бўлади.
1-навли уннинг килограмми учун энг арзон нарх пойтахтдаги «Миробод», «Фарҳод» ва «Қўйлиқ» деҳқон бозорларида қайд этилди 1 750 – 3 350 сўм.
Энг қиммат нарх 1 килограмм олий навли ун «Миробод» деҳқон бозорида қайд этилди – 4 900 сўм. 1-навли уннинг килограмми учун эса энг қиммат нарх Хоразмдаги Урганч Марказий деҳқон бозорида кузатилди – 4 000 сўмгача.
Шакар4 500 сўмдан – 5 500 сўмгача
Энг арзон нарх Тошкент шаҳрининг «Миробод», «Фарҳод» ҳамда «Қўйлиқ» деҳқон бозорида кузатилди – 4 500 – 5 200сўм.
1 килограмм шакар учун республикадаги энг қиммат нарх Бухоро шаҳар марказий деҳқон бозори, Жиззах шаҳри Марказий деҳқон бозорида, Навоий шаҳри «Саҳоват» МЧЖ га қарашли марказий деҳқон бозори, Наманган шаҳри «Сардоба» деҳқон бозори, Термиз шаҳар Марказий деҳқон бозори, Хоразмда Урганч Марказий деҳқон бозорида ҳамда Тошкентдаги «Чорсу» деҳқон бозорида қайд этилди – 4 900 – 5 500сўм.
Тухум350 сўмдан – 700 сўмгача
Энг арзон нарх Қашқадарёнинг Қарши шаҳри «Ерқўрғон» деҳқон бозорида қайд этилди 350 сўмдан 400 сўмгача.
1 дона товуқ тухуми учун энг қиммат нарх пойтахтдаги Чорсу деҳқон бозорида кузатилди — 450 – 700 сўмгача.
Картошка1 000 сўмдан – 4 000 сўмгача
Энг арзон нарх Фарғона марказий деҳқон бозорида қайд этилди – 1 000 сўмдан – 2 200 сўмгача.
1 килограмм картошка учун энг қиммат нарх пойтахтдаги «Чорсу» деҳқон бозорида кузатилди – 2 000 – 4 000 сўмгача.
Помидор 3 000 сўмдан – 15 000 сўмгача
Энг арзон нарх пойтахтдаги Қўйлиқ деҳқон бозорида кузатилди – 3 000 сўмдан – 7 000 сўмгача.
Энг қиммат нарх эса Андижоннинг Янги шаҳар бозори ҳамда Наманган шаҳри «Сардоба» деҳқон бозорида қайд этилди – 9 000 – 15 000 сўмгача.
Хўжалик совуни8 00 сўмдан – 3500 сўмгача
Энг арзон нарх Намангандаги «Сардоба» деҳқон бозорида кузатилди. Ушбу бозорда сиз хўжалик совунини 800 сўмдан (3 500 сўмгача) харид қилиш мумкин.
Энг қиммат нарх Жиззах шаҳри Марказий деҳқон бозори, Наманган шаҳри «Сардоба» деҳқон бозори, Хоразмнинг Урганч шаҳар Марказий деҳқон бозори ва Тошкентдаги «Юнусобод» деҳқон бозорида қайд этилди – 800 – 3 500 сўм.
Изоҳ (0)