19 май куни Тошкент метрополитенининг Юнусобод юналишида ёпиқ усулда қурилаётган янги станциялар оралиғидаги туннелнинг биринчи йўналишида узунлиги қарийиб 1,5 километрлик бурғулаш ишлари якунланди, деб хабар берди «Ўзбекистон темир йўллари» АЖ матбуот хизмати.
Германиядан келтирилган «Ҳерренкнечт» русумли туннел бурғулаш техникаси ёрдамида 938 комплект темир-бетон халқалар ўрнатилиб, Юнусобод линиясининг «Шаҳристон» бекати билан уланиш учун тайёрланган махсус қисмига етиб келди.
Айни пайтда пойтахтнинг Юнусобод йўналишида 2-босқич қурилиши давом этмоқда. Таъкидлаш жоиз, янги йўлнинг умумий узунлиги 2,93 километрни ташкил этади. Бугунги кунда метронинг туннел қурилиш-монтаж ишлари очиқ ва ёпиқ усулда олиб борилмоқда. Мазкур ер ости қурилиш ишларида «Кўприкқурилиш трести» унитар корхонасининг 67-Кўприкқурилиш отряди жамоаси томонидан амалга оширилмоқда.
Бугунги кунда ушбу объектга 180 дан ортиқ малакали муҳандис ва мутахассислар 40 га яқин замонавий махсус техника ва механизмларда кечаю-кундуз, узлуксиз иш олиб бормоқда. Тоннелнинг очиқ усулдаги қурилишлари деярли якунига етказилди.
Лойиҳа 2019 йил охиригача тўла ниҳоясига етказилиши кўзда тутилган. Ушбу бунёдкорлик ишлари ниҳоясига етказилгач, Юнусобод метро йўналишига яна иккита бекат қўшилади. Булар «Юнусобод» ва «Туркистон» бекатлари бўлиб, ҳар иккиси ҳам шарқона меъморчилик анъаналари асосида барпо этилмоқда.
Изоҳ (0)