Мазкур лойиҳа учун 24 миллион АҚШ долларигача хориж валютаси йўналтирилади. У Канаданинг Advanced Bio-Oil Technologies компанияси билан ҳамкорликда амалга оширилади, деб «Халқ сўзи» хабар қилади.

Фото: «Халқ сўзи»

Маълумки, яқинда Навоий вилоятида Ўзбекистон—АҚШ—Канада бизнес-форуми бўлиб ўтди. Ушбу форум якуни бўйича 10 та битим имзоланди. Шундан бештаси савдо-иқтисодий соҳага тааллуқли ва уларнинг умумий қиймати 150 миллион АҚШ долларини ташкил этади.

Хусусан, Навоий вилоят ҳокимияти Канаданинг Advanced Bio-Oil Technologies компанияси билан ўзаро ҳамкорлик қилишга келишиб олди. Шу асосда биоёқилғи олиш учун ўсимликлар етиштириш бўйича кластер яратилади. Бунинг учун 24 миллион долларгача хориж сармояси йўналтирилади.