2019 йилнинг 19 май куни тахминан соат 18:00 да Қозоғистоннинг Манғистау вилояти «Бейнеу-Тажен» автомагистралининг 82-километрида ичида 7 та одам, жумладан 4 нафар Ўзбекистон фуқароси жойлашган Lada Largus енгил автомобили иштирокида йўл-транспорт ҳодисаси содир бўлди. Бу ҳақда Ташқи ишлар вазирлиги Ўзбекистоннинг Қозоғистондаги Элчихонаси маълумотига таяниб хабар бермоқда.
ЙТҲ оқибатида воқеа жойида Туркия фуқароси вафот этди, қолганлар Бейнеу туман касалхонасига жойлаштирилди. Айни пайтда Ўзбекистон фуқароси Аширов Бобомурад Базарбаевич, 15.08.1991 й.да туғилган, мазкур тиббий муассасанинг жонлантириш бўлимида қолмоқда, қолган жароҳатланганларга, жумладан Ўзбекистон фуқароларига (Аширов Дурдимурад Базарбаевич, 17.01.1990 й.да туғилган, Шавхумов Каримбай Юлдашевич, 02.02.1980 й.да туғилган, Гошаров Хайитмурад Атажанович, 30.06.1984 й.да туғилган) касалхонадан рухсат берилди.
Бейнеу тумани полиция бўлими томонидан мазкур масала ўрганилмоқда.
Жароҳатланган ўзбекистонликларга амалий кўмак бериш, жумладан Б.Ашировга сифатли тиббий ёрдам кўрсатиш учун Элчихона Манғистау вилояти ва Бейнеу тумани маъмурияти билан алоқа ўрнатди. Айни пайтда фуқароларни Ўзбекистонга қайтариш бўйича чоралар кўрилмоқда.
Изоҳ (0)