Чироқчилик Турди момо Муҳаммадиева 90 ёшга тўлганида туғилганлик тўғрисидаги гувоҳнома ва фуқаролик паспорти олди. Бу ҳақда «Дарё»га Қашқадарё вилояти ИИБ Миграция ва фуқароликни расмийлаштириш бошқармаси маълум қилмоқда.
Турди момога 2019 йилнинг 16 май куни аввал туғилганлик тўғрисидаги гувоҳнома, кейин фуқаролик паспорти берилган. Шундай қилиб 90 ёшли момо бир кунда ҳам фуқаролик паспортига, ҳам туғилганлик тўғрисидаги гувоҳномага эга бўлди.
Маълум бўлишича, Турди момо Муҳаммадиева 1929 йил 15 август куни туманнинг Лангар МФЙ, «Тўлақул» қишлоғида туғилган бўлиб, шу ёшга тўлгунга қадар на гувоҳнома ва на паспортга эга бўлган.
Изоҳ (0)