Америкалик аёл лотереядан 1,3 млн доллар ютиб олди

АҚШнинг Шимолий Каролина штатида яшовчи аёлга синглиси лотерея чиптасини совға қилди, деб хабар берди Forum Daily.

Ушбу лотерея чиптаси аёлга катта омад келтирди. У 1,3 миллион доллар ютиб олди.

Нерис исмли аёл 12 май куни Cаролина Cash 5 лотерея чиптасини сотиб олди ҳамда уни опаси Виелка Романга совға қилди. Эртаси куни Роман турмуш ўртоғидан лотерея чиптасини текшириб кўришни сўради.

«Мен телефон экранига қарадим ва кўзларимга ишонмадим. Рақамларни беш марталаб текширдим. Охири уларнинг ҳақиқий эканлигига ишонч ҳосил қилдим», — дейди Виелканинг турмуш ўртоғи.

Ютуқ миқдори 1,3 миллион долларни ташкил этди. Жуфтлик шу заҳотиёқ лотерея штаб-квартирасига бориб, ютуқ ҳақида маълум қилди. Виелка эса қувончли хабарни айтиш учун синглисига қўнғироқ қилган.

Қайд этилишича, ушбу ютуқ лотерея тарихидаги учинчи энг йирик пул миқдори ҳисобланади.

Америкалик аёл ютган пулини уй ва машина сотиб олишга сарфлашни ният қилган.

«Энди биз кўпроқ вақтни оилавий ўтказишимиз мумкин», — дея қўшимча қилди аёл.